ئیلهام ئەحمەد ڕایگەیاند، ئیدارەی خۆسەری کوردی سووریا ئامادەیە گفتوگۆ لەگەڵ تورکیا دەستپێبکات بۆ گەیشتن بە ئاشتی و دیموکراسی و سەقامگیری.
"ئیلهام ئەحمەد"، هاوسەرۆکی بەشی پەیوەندییەکانی دەرەوەی ئیدارەی خۆسەری باکوور و ڕۆژهەڵاتی سووریا، لە ڕێگەی ڤیدیۆ کۆنفڕانسەوە لە کۆنفرانسی نێودەوڵەتی ئاشتی و کۆمەڵگەی دیموکراتیی پارتی یەکسانی و دێموکراسی گەلان لە ئەستەنبوڵ بەشداریی کرد.
ئەو ڕایگەیاند کە ئیدارەی کوردی سووریا ئامادەیە وتووێژ لەگەڵ حکوومەتی تورکیا بۆ بەدیهێنانی ئاشتی، دیموکراسی و سەقامگیری دەستپێبکات.
جەختی لەوەش کردەوە کە هاوکاری و بەشداریی هەموو لایەنەکان بۆ پێشخستنی پرۆسەی ئاشتی زۆر گرنگە.
Your Comment